ستاسو صحت ته د لوړ غوړ لرونکو خوړو ۴ زیانونه

۲۱ دلو , ۱۳۹۶ ,ساعت ۵:۱۱ ب.ظ -

ژباړن: حضرت عثمان نوري

ډېری خلک ددې شکایت کوي چې فشار مې جګیږي، معده مې سوځي یا جوش کوي، د ویني غوړ مې زیات دي، پښې مې درد کوي، هر وخت مې په سر درد وي او داسې نورې ګېلې، چې ډېری مهال له مضرو خوراکي توکو په پایله کې پېښیږي. دا مهمه ده چې تاسې پوه شئ؛ هغه خواړه چې تاسو یې روزمره خورئ، په ځانګړي توګه د غوړ خواړه، ستاسو روغتیا باندې اغیزه کوي او د ښه صحت څخه مو خلاصوي. دلته پینځه ډوله غذايي خوارکونه موږ روښانه کوو چې ستاسو صحت زیانمنوي.

لومړی: هاضمي سیسټم له خنډ سره مخ کوي

د-لوړ-غوړ-لرونکو-خواړو-۵-زیانونه

ډاکتر بارمر وايي: “کله چې موږ غوړ لرونکي خواړه وخورو؛ په دغو خوړو کې د غوړو اندازه د بدن په هاضمي سیسټم باندې فشار راوړي.” په واقعیت کې غوښه د کاربوهایډریټ او پروټین مادو په پرتله ورو ورو هضم کیږي، او دا هاضمي انزیمونو ته اړتیا لري، لکه د هضم لپاره د معدې تېزاب او د صفرا په مرکباتو سره هضم کیږي.

دوهم: ستاسو معده زیانمنوي

  د لوړ غوړ لرونکي خواړه ستاسو معده زیانمنوي؛ ځکه لوړ غوړ لرونکي خواړه په معده بد تاثیر کوي او له همدې آمله مو ورسره هاضمي سیستم مخلل کیږي. ډاکټران همداراز ټینګار کوي چې د غذايي توکو چټک خوراک ستاسو معده زیانمنوي او د هضم له ستونزې سره یې مخ کوي. ډاکټران وايي: تاسې د خولې (ژاملې) دنده معدې ته مه پرېږدئ یعنې لومړی مړۍ ښه وجوئ؛ بیا یې په ستوني تېره کړئ، ځکه دا چاره ستاسو په معده بوج نه راوړي.

دریم: لوړ غوړ لرونکي خواړو سره مو د وینې غوړ زیاتیږي

 د غذايي توکو خوراک ستاسو په بدن کې بکتریاوې جوړوي، څو په هضم کې ورسره پوره مرسته وکړي. ډېرېو څېړنو ښودلې ده چې هغه غذايي توکي چې تاسو یې خورئ، د معدې ګټور انتفاعات دي چې معدې ته د مایکروب په نوم ور پېژندل کیږي، چې پرې آغېزه کوي او هاضمي سیستم مو له خنډ سره مخ کوي. معده د هضم لپار لومړۍ سرچینه ده او د معدې په تېزابو سره هضم پېلوي.

څلورم: لوړ غوړ لرونکي خواړه مو د زړه او په شکرې ناروغۍ اخته کوي

که تاسې له لوړ غوړ لرونکو خوړو څخه استفاده کوئ، نو رنځ پوهانو دغه خوراکونه مضر بللي او دوی وايي چې، لوړ غوړ لرونکي خواړه مو د زړه او په شکرې ناروغېو اخته کوي. په ۲۰۱۴ م کال کې یوې څېړنې ثابته کړې وه چې هغه کسان چې د لوړ غوړ لرونکو خوړو څخه استفاده کوي، د ناروغۍ کچه یې ۳۸٪ سلنه پورته شوې وه، دغه راز په دې خلکو کې د زړه په رنځ اخته کسانو د پراختیا خطر ۲۳٪ سلنه زیاتوالی کړی وو.

ـــــــــــــــــــــــــــــــــــ

پای

February 06, 2018

(0)

به اشتراک بگذارید :

کامنت

نوم (مهم)
ایمیل (مهم)
ستاسو څرګندونې (مهم)
برای تنظیمات گراوتار به عنوان عکس پروفایل تان ، به سایت گراواتار مراجعه کنید .