په بهرنۍ سوداګرۍ کې د قېمت ډولونه

۲۵ ثور , ۱۳۹۷ ,ساعت ۱۲:۱۶ ب.ظ -

لیکنه: ګلاب بهار ځېنې وختونه په بهرنۍ سوداګرۍ کې د توکو او اجناسو د قېمت د تعینولو په وخت کې په توکو او اجناسو باندې د قیمت مختلف ډولونه هم علاوه کېږي. صادروونکي او واردوونکي د اجناسو د اندازې او کیفیت له تعینولو وروسته پر دې هم موافقه کوي چې صادروونکی به په کوم قیمت او کوم ځای کې مالونه واردوونکي ته سپاري. د دغو شرایطو په پام کې نيولو سره قېمتونه هم په مختلفو ډولونو وېشل شوي چې دلته یې يادونه کوو:

په بهرنۍ سوداګرۍ کې د قېمت ډولونه

په بهرنۍ سوداګرۍ کې د قېمت ډولونه

الف- د F.A.S قیمت: دغه قیمت چې د Free Along Side ship څخه اخيستل شوی دی، د هغه قېمت څخه عبارت دی چې په هغه کې د اجناسو پر اصلي قیمت سربېره ټول هغه مصارف شامل وي چې پر اجناسو د لېږد را لېږد پر مهال راځي. ب- د F.O.B قېمت: دا د Free on Board لفظ څخه اخيستل شوې اصطلاح ده چې پر بېړۍ یا د بېړۍ له لارې د ازادې سوداګرۍ مانا لري. کله چې پر F.A.S قېمت هغه مصارف هم ور جمع شي چې کښتۍ ته د اجناسو په پورته کولو راځي، نو F.O.B قېمت يې بولي. ج- Ex –Ship قېمت: کله چې د اجناسو پر اصلي قېمت د کښتۍ کرايه هم ور جمعه شي نو EX. Ship قېمت يې بولي. د- In Bondقېمت: In Bond له هغه قېمت څخه عبارت دی چې د جنس پر اصلي بيې، د توليد له ځايه تر ګودامه د اجناسو پر لېږدولو راځي. یا کله چې له Ex-Ship قېمت سره د واردوونکي د ګودام مصارف هم يو ځای شي نو In Bond قېمت يې بولي.

(0)

به اشتراک بگذارید :

کامنت

نوم (مهم)
ایمیل (مهم)
ستاسو څرګندونې (مهم)
برای تنظیمات گراوتار به عنوان عکس پروفایل تان ، به سایت گراواتار مراجعه کنید .