څو ملګرې ستورې چې اوس دښمنې دي

۱۸ دلو , ۱۳۹۶ ,ساعت ۱۰:۴۰ ق.ظ -

4

په بالیووډ کې د ځينو فلمي ستوریو ملګرتیا دومره نږدې وي چې وروڼه او خوېندې پسې نه شي رسېدای، خو کله کله دا ملګرتیا په دښمني هم بدلېږي.

دا کار په نجونو کې زیات دی. هلکان يې په سر په یوه او بل پسې چړې ګرځوي، هسې یو نیم یې لکه سلمان خان او عامر خان د ورورۍ په تار ځانونه تړي.

راځئ نن په سرخط کې د هغو نجونو په اړه ولولئ چې دوستي یې په دښمني بدله شوه.

کرینه کپور او بپاشاباسو؛

د سیف علي خان معشوقه او د بنګال جادوګره دومره خوږې وې چې هندي شاعرانو به یې دوستي ته شعرونه لیکل؛ مګر د هغوی ترمنځ د نفاق لمبې جان ابراهم را پورته کړې.

شاید ټولو ته دا د حیرانۍ خبره وي، خو د کرینه کپور او بپاشا ترمنځ د نفاق اور جان ابراهم راپورته کړ.

کرینه کپور او پریانکا چوپړا؛

دا دواړه ښکلې هم سره ښې ملګرې وې، ان په اعتراض فلم کې یې یو ځای کار وکړ، خو کله چې فلم نندارې ته وړاندې شو او ټول کریډیټ یې پریانکا ته ورکړل شول، کرینې له پریانکا سره دښمني پیل کړه.

پریټي زینټا او راني مکهرجي؛

د پریټي او راني د دوستي داستانونه په ټول هند کې مشهور دي، خو د دوی ترمنځ رسنیو اور ته لمن ووهله او دوستي یې په دښمني بدله شوه.

انوشکا شرما او دپیکا پاډوکان؛

د ویراټ کوهلي مېرمن او د رنبیر سينګ د معشوقې هم ښه یارانه وه، د دوی ترمنځ د دښمني ستر دلیل خپله رنبیر سينګ دی. دواړو پرې زړونه بایلودې وو، خو رنبیر پر دپیکا ور ګرم و.

راني مکهرجي او ایشواریا رای بچن؛

ایشواریا بالیووډ ته له راتګ سره سم د راني ملګرې شوه، خو ژر دا دوستي هم په دښمني واوښته. د دوی ترمنځ اور سلمان خان بل کړ. کله چې سلمان له ایشواریا سره خپله اړیکه پرې کړه او په یوه فلم کې يې د هغې ځای راني ته ورکړ، همدې کار ایشواریا د راني دښمنه کړه.

سرخط ورځپاڼه

(0)

به اشتراک بگذارید :

کامنت

نوم (مهم)
ایمیل (مهم)
ستاسو څرګندونې (مهم)
برای تنظیمات گراوتار به عنوان عکس پروفایل تان ، به سایت گراواتار مراجعه کنید .