٧٨ کلونه مخکي موندل سوې کوپړۍ اوس وپېژندل سوه!

٧٨ کلونه مخکي موندل سوې کوپړۍ اوس وپېژندل سوه!

عزت الله ذکي

د جرمني څېړونکي ډلي ثابته کړې، چي ٧٨ کلونه مخکي موندل سوې کوپړۍ د يوه آروپايي سړي ده، چي له مېلاد نه مخکي يې د قتل په يوه حادثه کي خپل ژوند له لاسه ورکړی دی.

د توبينګن پوهنتون څېړونکو د يوه پخواني نارينه له موندل سوي جمجمې دا ثابته کړې، چي دغه کس پر سر تر دوو ضربو خوړلو وروسته مړ سوی دی.

آلماني څېړونکو ددې احتمال ښودلی، چي قاتل کيڼ لاسی و او دواړه مخامخ سره ولاړ وه۔ چي قاتل مقتول پر سر په درندو شيانو وهلی او تر وژونکو ضربو وروسته هغه ځای پرځای مړی سوی دی.

ددغي څېړني نور جزيات په پلوس مجله کي هم خپاره سوي دي.

څېړنه کي معلومه سوې، چي دغه جمجه دوه مات درزونه لري او په (سي ټي سکن) او ځينو نورو پرمختللو ماشين آلاتو تر څېړني لاندي نيول سوې ده.

دا جمجه چي د يوه نارينه آړوند ده، په ١٩٤١م کال کي د رومانيا په جنوبي برخه کي د بيسيترا کيوکلوينا په نوم يوه غار کي د ځينو نورو ډبرينو آبزارو سره يوځای وموندل سوه.



سيمه او نړۍ هر اړخيز او معلوماتي
t