کوم هيوادونه زياته طلا لري؟ / عزت الله ذکي

کوم هيوادونه زياته طلا لري؟ / عزت الله ذکي

عزت الله ذکي

د طلا د درجه بندۍ نړيوالي شورا ۱۰۰ هغه هيوادونه په ډاګه کړي، چي زياته طلا لري، په دې جدول کي ۵ عربي هيوادونه هم تر سترګو کېږي، چي د سره زرو زيات ذخاير لري.

ددغه جدول په آساس، سعودي عربستان لومړی عربي هيواد دی، چي ۳۲۳ ټنه ذخيره طلا لري، لبنان، آلجزاير، ليبيا او عراق څلور نور هغه هيوادونه دي، چي په لوړه کچه طلا لري او د زياتي طلا درلودونکو ۱۰۰ هيوادونو په جدول کي يې په پرلپسې ډول ذکر سوي دي.

اوسمهال په نړيواله کچه آمريکا د طلا تر ټولو زيات ذخاير لري او په دغه رديف کي وروسته آلمان، ايټاليا او فرانسه قرار لري.

په تېرو کلونو کي ۱۰ د لوړي کچي طلا درلودونکي هيوادونه، چي په دغه جدول کي شامل وه، د سږکال په پرتله يې بدلون نه دی کړی او ويې کولای سول، چي سږکال هم په دغه درجه بندۍ کي خپل پخواني ځايونه وساتي.

آمريکا اوسمهال تر ۸زره ټنو زياته ذخيره طلا لري او په دغه جدول کي لومړی ځای لري، چي د آلمان چي ۳۳۷۰ ټنه ذخيره طلا لري او په دويم رديف کي قرار لري، دوه برابره ده، ايټاليا د ۴۵۲ ټنه ذخيره طلا په درلودلو سره په درېيم رديف او فرانسه د ۴۳۶ ټنه طلا په لرلو سره څلورم ځای لري. دغه راز په جدول کي روسيه پنځم ځای لري، چي په زياته آندازه طلا يې ذخيره کړې ده.

د روسيې مرکزي بانک په تېرو شپږو کلونو کي په لوړه کچه طلا پېرلې ده، ياد بانک په ۲۰۱۷م کال کي وتوانېد، چي د روسيې طلايي ذخيره ۲۲۴ ټنه ته لوړه کړي.



اقتصاد او بيارغونه هر اړخيز او معلوماتي
t