فیسبوک د سعودي او اماراتو ۴۷۰ اکونټونه وتړل

فیسبوک د سعودي او اماراتو ۴۷۰ اکونټونه وتړل

د فیسبوک ټولنیزې شبکې اعلان کړی، چې په سعودي عربستان او متحده عربي اماراتو کې جوړ شوي ۴۷۰ اکونټونه یې تړلي.

 د کمپنۍ د اعلان له مخې دا اکونټونه څه د فیسبوک او څه د انسټګرام شبکې اړوند وو.

 ویل شوي، چې له دغو اکونټونو څخه د منځني ختیځ د هېوادونو، شمالي او ختیزې افریقا لکه: لیبیا، سوډان، قطر، ترکیې، لبنان، سوریې، اردن او مراکش خلاف تبلیغات کیدل.

 دغې کمپنۍ زیاته کړې: دغه اکونټونه د قطر، ترکیې د ترهګرو، د یمن خلاف د ایران د ګامونو د ملاتړ او دغه راز په یمن کې د سعودي د جګړې د ملاتړ لپاره استعمالیدل.

فیسبوک دا اکونټونه ګمراه کوونکي او د خپلې پالېسۍ خلاف ګڼلي.

سعودي او اماراتو په دې اړه څه نه دي ویلي.




t