د انګلستان په لیګ کي راشد په ۹ ويکټو نبي ته ماته ورکړه

د انګلستان په لیګ کي راشد په ۹ ويکټو نبي ته ماته ورکړه

ليکنه: مدثر دعوت

د انګلستان په ويټالټي بلاسټ ليګ کي سوسيکس او کينټ لوبډلي سره مخ سولې.

د لوبي پچه سوسيکس لوبډلي وګټله د توپ اچووني پريکړه يې وکړله.

کينټ لوبډلي په پوره ۲۰ اوورونو کي د ۸ لوبغاړو په سوځيدو ۱۵۵ منډي هدف وټاکی.

لوبډلمشر ډرومڼډ ۵۰، کوکس ۲۳ او محمدنبي ۴۳ منډي وکړلې.

د سوسيکس لپاره ميلز ۳ ،جوردن ۲ ،ارچر،ويس او راشدخان يوه يوه ويکټه ترلاسه کړه.

سوسيکس لوبډلي د ۱۵۵ منډو هدف په تعقيب په زړه پوري پيل وکړ.

په اوپنينګ کي سالټ ۶۳ ناسوځيدلي منډي وکړې او رايټ په ۲۴ منډو وسوځيدی، ورپسې ایوينز ۶۵ ناسوځيدلي منډي وکړې.

د کینټ لپاره محمدنبي په ۲ اووروه کي ۱۷ منډي ورکړې کومه ويکټه يې ترلاسه نکړه يوازي ميلن يوه ويکټه ترلاسه کړه.

سوسيکس لوبډلي په ۱۶ اوورونو کي هدف ته ځان ورسوی او کينټ لوبډلي ته يې په ۹ ويکټو ماته ورکړه.

ایوينز د ۶۵ ناسوځيدلو منډو په کولو سره د لوبي غوره لوبغاړی اعلان سو.



راشد خان ورزش
t