پومپیو: نړیواله ټولنه باید پر ایران فشار راوړي چې د سیمې د بې ثباته کولو چلند پرېږدي

پومپیو: نړیواله ټولنه باید پر ایران فشار راوړي چې د سیمې د بې ثباته کولو چلند پرېږدي

د امریکا د بهرنیو چارو وزیر مایک پومپیو نړیوالې ټولنې ته خبرداری ورکړی چې پر ایران د ملګرو ملتونو لخوا لګول شوي بندیزونه به راتلونکی کال ختم شي او له هغه وروسته به په منځني ختیځ کې یو ځل بیا پوځي سیالي زور واخلي.

ښاغلي پومپیو پر خپله ټوېټر پاڼه لیکلي چې وخت کم پاتې دی او نړیواله ټولنه باید پر ایران فشار راوړي چې د سیمې د بې ثباته کولو چلن پرېږدي.
د مایک پومپیو په ټویټ کې راغلي چې ډېر ژر به د ملګرو ملتونو لخوا پر ایران د وسلو د پیر او پلور بندیز ختم شي او د انقلابي ګارډ مشر جنرال قاسم سلیماني به هم یو ځل بیا د سفر کولو اجازه ولري.

له ټویټ سره د امریکا د بهرنیو چارو وزارت یوه اعلامیه هم مل ده. په اعلامیه کې راغلي چې ایران په سیمه کې د ترهګرو تر ټولو ستر ملاتړی دی او له تېرو څلوېښتو کلونو له ورانکارو ډلو سره اړیکي لري.


امريکا سيمه او نړۍ
t