د یوه غریب او بدرنګه صحابي عجیبه واقعه!!!

د یوه غریب او بدرنګه صحابي عجیبه واقعه!!!

* یو صحابي چې له رنګه تک تور و ، داسې تور چې خلکو به ترې کرکه او نفرت کاوه۔۔

* دا صحابي ډیر غریب او ناداره و هیڅ یې هم نه درلودل .

دا صحابي سعد نومیده …

* یو ورځ په داسې حال کې چې سخت خفه و د نبي علیه السلام سره مخامخ شو ، نبي علیه السلام مبارک ته یې وویل :

* ای د اللهﷻ رسولهﷺ :

* کله چې مشرک وم ؛ نو خلکو به راڅخه نفرت کوه ، په کومه لاره به چې زه روان وم ، خلک به په هغه لاره نه تلل ، په یوه لوښي به راسره چا اوبه نه څښلې ؛ خو اوس چې مسلمان شوم ، ستا د باغچې ګل شوم ، په الله ﷻ او د هغه په رسولﷺ مې ایمان راوړو خو ای داللهﷻ رسولهﷺ !

* دا خلک خو اوس هم له ماسره هماغه ډول سلوک او چلند کوي !

د ډیر خفګان او ژړا په حالت کې نبي علیه السلام مبارک ته وایي :

-ای د الله رسولهﷺ !

ما به جنت ځانته پریږدي؟

حورې به مې ځانته پریږدي؟

* نبي علیه السلام مبارک ډیر خفه شو ، په اوږه یې ورته لاس کیښود او ورسره روان شو .

* پوښتنه یې ترې وکړه :

* واده ته دې زړه کېږي ؟

سعد”رض” ورته وویل : هو !

نبي علیه السلام مبارک ورته وویل :

* د فلانکي صحابي کور ته ورشه او ورته ووایه چې ، د اللهﷻ رسولﷺ را ستولی یم .

* سعد ولاړ او د همغه کور دروازه یې و ټکوله . صحابي ورته راووت ، پوښتنه یې ترې وکړه:
-څنګه راغلی یې؟

سعد”رض” ورته وویل:

-نبي علیه السلام را لیږلی یم، ستا لور په نکاح غواړم. صحابي حیران شو چې، زما لور او دا تور، غریب او بدرنګه صحابي! او بیا نبي علیه السلام را لیږلی.

صحابي کور ته ننوت او خبره یې له خپلې بي بي سره شریکه کړه، هغې انکار وکړ، ویې ویل :
-زما لور به اوس له داسې سړي سره واده کوي چې، نه کور لري او نه شتمني!

بالآخره لور یې راوځي او مور ته وایي چې، مورې! ما همدې صحابي ته ورکړه! دې صحابي ته مه ګوره، رسول اللهﷺ ته وګوره، دا هغهﷺ را لیږلی. صحابي راووت او سعد ته یې وویل:
-ما خپله لور درکړه.

سعد ولاړ او نبي علیه السلام ته یې خبر ورکړ چې، لور خو یې را کړه. نبي علیه السلام ترې پوښتنه وکړه چې د واده پیسې لرې؟

سعد وویل نه، نبي علیه السلام مبارک ورته پیسې ورکړې او ورته یې وفرمایل چې، ولاړ شه ځانته جامې جوړې کړه او نور د ضرورت وړ شیان پرې واخله.

سعد پیسې واخیستې او د واده په تیاري بوخت شو، یو وخت د مدینې په بازار کې ګرځيده، تر څو د واده لپاره شیان واخلي، په دې وخت کې اوازه شوه چې، نبي علیه السلام د صحابه و سره یو ځاې غزا ته ووت!

سعد”رض” د ځان سره وویل چې ماته ګوره! زه د واده په سوچ او فکر کې یم او نبي علیه السلام غزا ته ووت.

واده یې پریښود، په پیسو یې یو څادر او آس واخیست او ځان یې غزا ته ورسوه. کله چې ورسید، په داسې حال کې چې مخ او ځان یې په څادر کې پټ و، د کفارو په صفونو ور ننوت او په تیزۍ یې توره چلول پیل کړل.

د نورو صحابه و چې ورته فکر شو؛ نو پوښتنه یې وکړه چې دا نوی کس څوک دی؟ دې خو د مسلمانانو سره ډېره مرسته وکړه، پدې وخت کې د سعد لاس ښکاره شو، نبي علیه السلام مبارک وفرمایل : اظنه سعد!

زما په ګمان دا سعد دی، ده ته خو ما د واده د تیارۍ ویلي و خو دا دلته راغلی. د سعد اجل پوره و، په جنګ کې زخمي شو. نبي علیه السلام مبارک ورته راغی، سر یې ورته په خپل غیږ کې کیښود.🌻🌺

سعد په داسې حال کې چې زخمي پروت دی نبي علیه السلام ته بیا وایي :

ای د اللهﷻ رسولهﷺ! ما به جنت ځانته پریږدي؟

حورې به مې ځانته پریږدي؟🌹🌷

په دې وخت کې نبي علیه السلام مبارک وخندل او له سعد نه یې مخ واړوه.🌹🌷

سعد”رض” ساه ورکړه او شهید شو، کله چې صحابه و د نبي علیه السلام نه د مخ اړولو او خندا علت وپوښته، رسول اللهﷺ مبارک وفرمایل :

🌹🌷

-سعد ګیلې کولې چې ما به جنت ځانته پریږدي؟ حورې به مې ځانته پریږدي؟

پدې وخت کې اللهﷻ یوې حورې ته اوبه په لاس کې ورکړې چې، دا سعد”رض” ته ورسوه !

حوره راغله خو له ما څخه یې حیا وکړه او مخکې نه راتله، ما وخندل او مخ مې واړوه؛ خو پدې وخت کې سعد”رض” ساه ورکړې وه او تږی له دې دنیا څخه ولاړ…

حافظ عبدالولي رازقي




t