هند وايي د سولې په ګډون د افغانستان تحولات څارې

هند وايي د سولې په ګډون د افغانستان تحولات څارې

هند ويلي دوی د افغانستان حالات او پرمختګ له نژدې څاري د دې هیواد د بهرنیو چارو وزارت ویندوی راویش کومار وايي دوی د طالبانو او امریکا ترمنځ د خبرو په شمول د افغانستان تحولات له نږدې څاري.
د هند د بهرنیو چارو وزارت ویندوی دا خبره وروسته له دې وکړه چې د امریکا ولسمشر ډونالد ټرمپ له طالبانو سره د سولې خبرې پای ته رسېدلې اعلان کړې.
راویش کومار یوې خبري غونډې ته وویل، هند باور لري چې د افغانستان د قانوني حکومت په ګډون د افغان ټولنې ټولې برخې باید د سولې په پروسه کې شاملې وي.
ده زیاته کړه، ډاډه دی چې د امریکا او نړیوالې ټولنې له لوري د سولې د پروسې په اړه هره پرېکړه به هغه اندېښنې په پام کې ونیسي چې په دې برخه کې سته.
د امریکا ولسمشر ډونالډ ټرمپ د سولې له نهم پړاؤ خبرو وروسته د خبرو لړۍ لغوه کړه




t