د پېريانو ښار چيري دی؟ عزت الله ذکي

د پېريانو ښار چيري دی؟ عزت الله ذکي

عزت الله ذکي

د لرغونپوهانو د موندل شويو اطلاعاتو له مخي، د پېريانو (جنياتو) ښار په ترکيه کي دی، خو دغه ښار څه ډول او څه وخت کشف شوی دی؟

تاسي کولای شئ د پېريانو د ښار څو جالب، حيرانونکي او ترسناکه انځورونه ددې مطلب په منځنۍ برخه وګورئ.

ترکيه کي د پېريانو ښار هغه مهال وموندل شو، کله چي يوه ترکي د کور هغه دېوال ړنګ کړ، کوم چي په يوه غار کي جوړ شوی وو او ناڅاپه يې ددغه دېوال شاته يوه عجیبه ترسناکه خونه وموندله.

دغه ترکي ويلي، چي داسي ډارونکې او وېرونکې خونه يې هیڅکله نه وه لیدلې او همدې يوې خوني څو نوري خوني رامنځ ته کړې، تردې چي تر مځکي لاندي ددغو ترسناکه خونو موندل د پېريانو د ښار کشفولو لامل شو.

لرغون پېژندونکو هڅه وکړه دغه مهم ښار په هرآړخيز ډول مطالعه کړي، چي د څېړني پرمهال دوی وکولای شول ۴۰ متره د مځکي دننه ولاړ شي، ځکه دغه ښار په مځکه کي دننه پروت دی، خو وړاندي د مځکه پېژندونکو آټکل دا و، چي د جنياتو ښار د پورتنۍ آندازې په پرتله خورا ژور دی، چي اندازه يې لږترلږه ۸۵ متره ته رسېږي.

تراوسه ددې ښار ۲۰ طبقې پېژندل شوي دي، مګر لرغونپوهان يې يوازي له ۸ پوړونو څخه ليدنه کولای شي او اوسمهال له پاته يو شمېر طبقو څخه ليدنه يا خو ممنوع او ياهم تر څېړني لاندي ده.

د جنياتو ښار د حيرانتيا وړ او عجيبه داخلي جوړښت لري، چي د ۱۰زره کسانو د ژوند لپاره جوړ شوی دی.

په دغه ښار کي د ۸ متره په آندازه اوږده تونلونه شته او تر مځکي لاندي د يوه بل ښار سره هم لاره لري، چي ډېری لرغونپوهان ددغه ښار پېچلتيا د مصر فرعوني اهرامونو ته ورته بولي.



ترکيه جنیاتو ښار هر اړخيز او معلوماتي پیریانو ښار
t