کونړ: د اوبولګولو یوکانال ګټې اخیستنې ته وسپارل شو

کونړ: د اوبولګولو یوکانال ګټې اخیستنې ته وسپارل شو

د کنړ د کرنې اوبولګولو او مالدارۍ ریاست له خوا ددې ولایت د «ګڼه سیر» د اوبولګولو کانال د رغولو چارې بشپړ او ګټې اخیستنې ته وسپارل شوه.
د کنړ د کرنې ریاست چارواکي وایي، دغه کانال چې ټولیز اوږدوالی یي نږدې یو کیلو مترو ته رسیږي شاوخوا ۴۱۵ جریبه کرنیزه ځمکه خړوبوي او ۵۳۲ کسان ترېنه په مستقیم اوغیر مستقیم ډول ګټه پورته کوی.
یاد کانال د کرنې وزارت په کرونده کې د اوبو دتنظیم پروژې « OFWMP» له خوا د ۳.۵ میلیونه افغانیو په لګښت رغول شوې ده.
د اوبولګولو دیاد کانال د جوړولو په ترڅ کې د سیمې یو شمېر اوسیدونکو ته د کار زمینه هم برابره شوې وه. د یادونې وړ ده، چې د یاد کانال په جوړولو سره به د اوبو په ضایعاتو کې د پام وړ کمښت راشي او د کروندګرو د حاصلاتو د لوړېدو لامل به هم شي. یاد کانال ۴۰ سلنه د اوبو له ضایعاتو څخه مخنیوی کوی او همداراز د هغو ځمکو کرنیز محصولات به هم ۲۰ سلنه لوړ شي چې، د دې کانال له لارې خړوبیږي.




t