د نر او ښځي توپیر په اسلام او ساینس کي

د نر او ښځي توپیر په اسلام او ساینس کي

دا چي نر او ښځه دواړه بشر دي، خو بل لور ته الله جل جلاله په دواړو کي داسي صلاحيتونه ايښي دي چي هېښونکي دي، د نر ژوند بېله ښځې غير مکمل دئ او همدارنګه د ښځې ژوند بېله نارينه څخه بشپړ نه دئ، دواړه يو د بله د ژوند په هره برخه کي يو د بله سره اړتيا لري، په اسلام کي هم د نر او ښځې تر منځ توپير له ورايه جوتيږي، دا چي د نر او ښځي په جسماني، روحاني او نفسياتي جوړښت کي څومرې توپير شتون لري؟ ساينس پوهانو پر دې باندي څېړنې کړيدي، چي موږ به ان شاء الله پر هر څه باندي رڼا واچوو، له دې څخه علاوه به نر او ښځه په اسلام کي هم پر تله کړو.

په ساينس کي د نراو د ښځي تر منځ توپيرونه:

۱: نر په عمومي او اوسط ډول سره قوي، د لوړ قامت څښتن او د ښه جسم خاوند وي.

۲:د ښځي اندامونه نازک، پاسته، نرم او طبعيت ئې هم پوست وي.

۳: د نارينه اواز تل زيږ او پنډ وي.

۴: د ښځي اواز باريک او نرم وي.

۵: د ښځي هډوکي نسبت و نر ته کمزوري او نرم دي.

۶: د نر هډوکي کلک ، مضبوط او سخت دي.

۷: د ښځي جسماني نشو او نما نسبت و نر ته زياته ده او په تيزۍ سره صورت نيسي.
۸: ښځه نسبت و نر ته ژر و بلوغ ته رسيږي، له همدې کبله د ښځي مقاومت د ناروغيو په مقابل کي نسبت و نر ته زيات دئ.

۹: د ښځي قوت نسبت و نر ته ژر ختميږي، يعني نر چي په ۴۰ کلنۍ کي کوم توان لري ښځه هغه توان په ۴۰ کلنۍ کي نلري.

۱۰: د نر سږي(Lungs) د ښځي تر سږو زيات ظرفيت او ګنجايش لري.

۱۱: په عموي ډول سره د ښځي دماغ د نر تر دماغ ۱۰ ګرامه کم دئ.

۱۲: د نر په بدن کي (۵۰۰۰۰۰۰) پنځه میلیونه سره کرويات(Red Blood Cells) دي.

۱۳: د ښځي په بدن کي (۴۵۰۰۰۰۰) څلور نیم میلیون سره کرويات (Red Blood Cells)دي.

۱۴: نر د خپل مزاج او طبعيت له کبله سخت مزاجه، غصه او قهر کونکی او جګړه مار وي.

۱۵: ښځه د خپل فطري جوړښت له کبله نرمه او له جګړې او جنجال څخه تښتي، ښځه تل د صلح او د تفاهم لاره خپلوي- چي دا کړنلاره تل په هر کور کي ليدل کيږي، که پلار اولاد وهي خو بل لور ته ئې مور بيا نازوي او د پخلاکېدو تکل ئې کوي.

۱۶: نر په کورني ژوند کي تل د خپلو بچو، کور او مېرمنې حمايت کوي د دوي لپاره ټول تکليفونه ګالي او دوي هوسا کوي.

۱۷: ښځه بيا تل ځان تر هر چا قربانوي، له خپلو ماشومانو، خاوند او کور او متاع سره مينه لري او مينه ورسره ساتي.

۱۸: نر د جنسي طاقت له پلوه د ښکاري درجه لري، په نر کي دا جذبه شتون لري لکه يو دهقان چي ډېره مځکه کري او حاصل ورڅخه اخلي.

۱۹: ښځه بيا محتاطه ده، پرده لري حياء لري، ښځه تل د هغه چا په واک کي ځان بولي چي له دې سره يې د ژوند تړون (نکاح) کړی وي، په جنسي طاقت کي د صبر او حوصلې څښتنه ده.

۲۰: ښځه په فطري ډول سره عفت او پاکدامني لري.
۲۱: نر د ورزش، ښکار، سخت کار او په سختۍ او ګرمۍ کي د کار کولو لېوالتيا لري.

۲۲: و بل لور ته ښځه په فطري ډول سره د ورزش، سخت کار او نورو هغو کړونو سره چي نر ئې کوي کمه او لږ لېوالتيا لري.

۲۳: نر په عمومي ډول سره خپلي پرېشانۍ ، غمونه او رازونه پټوي .

۲۴: ښځه په ډېره کمه اندازه سره خپلې پرېشانۍ، غمونه او رازونه پټوي.

۲۵: ښځه د نر څخه زړه سواندې ده، رحم ئې زيات دئ.

۲۶: هغه ښځې چي خپل رازونه په زړه کي پټوي هغه د نارينه و په نسبت په رواني ناروغيو زياتې اخته کيږي.

۲۷: داچي د ښځې رحم زيات دئ، له همدې کبله ئې د نر په نسبت ښځه ډېر ژر ژاړي او ژړا ورته راځي.

۲۸: نر شهوت ډېر لري او محبت ئې لږ دئ.

۲۹: د ښځې محبت ډېر دئ شهوت ئې لږ دئ.

۳۰: نر تل د ښځې د صحبت لېواله وي.

۳۱: ښځه کولای سي د نر زړه په اسانۍ سره و لاسته راوړي.

۳۲: نر کولای سي ښځه په اسانۍ سره و لاسته راوړي.

۳۳: نر له ښځې څخه ښکلا او حُسن غواړي.

۳۴: ښځه له نر څخه شجاعت او دلاوري غواړي.

۳۵: نر ډېر لږ خپل شهوت کنترولولای سي.

۳۶: ښځه نسبت ونرته خپل شهوت ښه کنترولولاي سي.

۳۷: کله چي ښځه و بلوغ ته ورسيږي و دې ته مياشتنۍ ناروغي (حيضMenstruation) راځي چي ددې ناروغۍ له کبله د ښځې ټوله بدن تر اغيزو لاندي راځي چي د بيولوژي د علم په رڼا کي په ښځه کي لاندي بدلونونه راځي:

۱: په حيض کي د ښځې زيات حرارت له منځه ځي دا ځکه چي هغه نظام چي حرارت کنترولوي هغه دا حرارت نسي کنترولولای له همدې کبله د ښځې حرارت درجه کمه وي.

۲: نبض کمزوری کيږي او د وينې دروان (Blood Circulation)کرار سي.

۳: په افرازي او لمفاوي غدو کي په بشپړ ډول سره بدلون واقع کيږي.

۴: پروټين په بدن کي په کمېدو سي.

۵: د هضميې سيستم (Digestive System) سم کارنه کوي،له همدې کبله په بدن کي د پروټينو او غوړو(شحمياتو) کمي محسوسيږي.

۶: د بدن په ټولو عضلاتو کي سستي ليدل کيږي او راځي.

۷: د ذهانت او خيالاتو په مرکز کي بدلون راسي.

دا هغه بدلونونه دي چي په يوه سالم انسان کي صورت نيسي.

له دې څخه علاوه نړيوال بيولوژي پوه ډاکتراميل نووک په دې نظر دئ چي په حايضه ښځه کي دا بدلونونه هم صورت نيسي:

د سر درد، د زړه تکان، د اعضاء سستي، اعصابي کمزوري، طبعيت خرابي، د مثانې تکليفونه، د هضميې غير منظموالی، په ځينو وختونو کي قبض، کله کله قي وهل، د سر ګرځيدل او داسي نور…

لیکنه او څېړنه: عبدالغفار جُبیر




تبصره وکړئ

avatar
t