افغانستان او اذربایجان پر دوه اړخیزه همکاریو خبرې وکړې

افغانستان او اذربایجان پر دوه اړخیزه همکاریو خبرې وکړې

د افغانستان د اسلامي جمهوریت جمهوررئیس محمد اشرف غني او د اذربایجان جمهوررئیس الهام علي اوف د مونیخ ۵۶ امنیتي کنفرانس په څنډه کې د سوداګرۍ، ترانزیت، دوه اړخیزو همکاریو او د نفتو د پېرېدنې لپاره د دولت په دولت تړون په اړه بحث او خبرې وکړې..

جمهوررئیس الهام علي اوف د اذربایجان او افغانستان ترمنځ د اړیکو لا ښه کېدو ته په اشارې وویل، هیواد یې په بېلابېلو برخو کې له افغانستان سره مرستو ته ژمن دی.

جمهوررئیس غني له افغانستان سره د همکاریولپاره د جمهوررئیس الهام علي اوف د چمتووالي مننه وکړه او وې ویل، افغانستان به د ګمرکونو او مالي سیستم په برخو کې د اذربایجان له بریالیو تجربو څخه استفاده وکړي.




t